Një kamera e vendosur në helmetën e një parashutisti ka sjellë një pamje të pabesueshme të momentit kur dy shqiponja e sulmojnë atë mbi Himalaja. Vladimir Tsar’kov ishte duke shijuar pamjen e mrekullueshme që të dhurojnë Himalajat duke i parë nga lart, por njëra nga shqiponjat u përplas në parashutën e tij duke e dëmtuar atë dhe duke i vënë jetën në rrezik.
25-vjeçari për fat të mirë dhe aftësive të mira që ka në kontrollin e parashutave arriti që të rikthente kontrollin duke vendosur parashutën rezervë dhe filloi uljen në tokë. Tsarkovi u përpoq që ta bënte uljen në një vend të pastër dhe të mos dëmtohej, por ulja nuk ishte mbi pemë dhe pati disa përplasje, por pa dëmtime.
Pas uljes ai e ktheu vëmendjen tek shqiponja e cila kishte ngecur në parashutë dhe më pas iu deshën plot 10 minuta që ta shkëpuste, e më pas të niste fluturimin.
