Këngëtarja e njohur Elvana Gjata është larguar nga Shqipëria. Ajo u largua nga vendi ynë, pas përplasjes me armë që dyshohet se ka zanafillën te një ngacmim që i ishte bërë asaj. I fejuari biznesmen i këngëtares, Ervin Mata, është në kërkim nga Policia. Bashkë më të autoritetet kanë shpallur në kërkim edhe dy persona të tjerë. Ndërsa nga përplasja me armë mbeti i vdekur shtetasi Fabian Gaxha.
Burimet thonë se këngëtarja është tronditur nga ngjarja e ndodhur në zonën e ish-Bllokut. Ajo vendosi të largohej disa kohë nga vendi jonë. Pasi ka dhënë dëshminë e saj në Drejtorinë e Policisë Tiranë për ngjarjen, fill pasi ajo ndodhi ajo është larguar për në Angli.
Një lajm i tillë është konfirmuar nga të afërm të këngëtares. Ajo do të shkonte në Angli bashkë me të fejuarin, por sulmi në Bllok u prishi planet. Deri më tani, këngëtarja nuk ka bërë asnjë reagim për ngjarjen në fjalë.
Pak kohë më parë, këngëtarja Elvana Gjata pranoi publikisht se ishte fejuar me një biznesmen, pa zbuluar emrin e tij. Për Matën dihej vetëm se kishte një hotel dhe se ishte i gatshëm të mbulonte shpenzimet e këngëtares.
Fejesa
Elvana foli për fejesën për herë të parë kur ishte në SHBA. Ajo atje mundohej të realizonte disa projekte të reja muzikore. Elvana njihej dhe ishte në një lidhje me biznesmenin Mata që prej vitit 2015 dhe zyrtarizmi i fejesës erdhi në vitin 2017
Elvana shijonte lidhjen e saj me udhëtime të shumta dhe shpenzime marramendëse, sepse partneri i saj nuk kursente asgjë për të plotësuar këngëtaren në çdo aspekt. Dhe kështu, Elvanës nuk i mungonte asnjë gjë për të jetuar si në përrallë. Ishte pikërisht partneri i saj, i cili investoi në biznesin e fustaneve “Altar”, që shumë shpejt këngëtarja e shiti. Ndërkohë, ishte ai, që shpenzonte shuma të mëdha parash për fillimin e karrierës së Elvanës në Shtetet e Bashkuara të Amerikës.
Kujtojmë që ajo festoi një 30-vjetor përrallor me shpenzime që kapën 20 mijë euro vetëm për udhëtimet e fundjavave. Pas klipit “Lelja” dhe mbylljes së epokës dashuri & muzikë me Flori Mumajesin, këngëtarja e njohur, Elvana Gjata, hyri në një fazë të re të jetës, që nga rrëfimet e miqve të afërt është vërtet si në përralla. Mirëpo, edhe kjo fazë nuk zgjati shumë, teksa i dashuri i këngëtares tashmë është në kërkim nga Policia.
