Kryeministri i Maqedonisë Zoran Zaev është takuar sot në Bruksel me përfaqësuesen e lartë të Bashkimit Evropian për Politikë të Jashtme dhe Siguri, Federika Mogherini.
Mogherini ka theksuar gjatë fjalës së saj se progresi që ka realizuar Maqedonia për vetëm një vit është i dukshëm dhe se kjo është shenjë e mirë edhe lidhur me progresin e shtetit në proceset euro-integruese.
Në takim po ashtu është konstatuar domosdoshmëria nga bashkëpunimi me opozitën e çështjeve të rëndësishme strategjike për vendin dhe se kanalet për komunikim duhet të jenë vazhdimisht të hapura.
Në fjalën e tij, kryeministri Zaev ka theksuar se qëllimi primar i Maqedonisë është të ndërtojë vend modern evropian që i ndan vlerat evropiane, me demokracinë funksionale, sundimin e së drejtës dhe në bazë të vlerave themelore të përbashkëta të këmbyera. Në përmbushjen e këtij qëllimi kryesor, ka theksuar se rëndësi të madhe ka përkushtimi personal dhe angazhimi i përfaqësuesve të lartë të institucioneve më të larta të BE-së, si dhe mbështetja kombëtare nga trupat e Unionit.
Ndër të tjera, Zaev shtoi se janë bërë përpjekje të mëdha që Maqedonia të kthehet në rrugën e vërtetë dhe të krijohen ngjarje pozitive pas krizës politike afatgjate.
“Tani është koha t’i shfrytëzojmë këto përpjekje. Vazhdojmë me përkushtimin e fuqishëm dhe vullnetin e padyshuar politik, edhe pse në plan të brendshëm kemi rrethana të caktuara politike”, ka thënë Zaev.
Kryeministri i Maqedonisë foli edhe lidhur me çështjen me Greqinë, teksa dërgoi mesazhin se në Maqedoni ka gatishmëri që të zgjidhet kjo çështje dhe ka kërkuar ndihmë dhe mbështetje se si të gjendet zgjidhje e qëndrueshme e cila do të ketë mbështetje në të dy vendet.
Në takimin me Mogherinin kanë marrë pjesë edhe Bujar Osmani, zëvendëskryetar i Qeverisë së Republikës së Maqedonisë i angazhuar për Çështje Evropiane dhe Nikolla Dimitrov, ministër i Punëve të Jashtme. Por pas takimit nuk ka pasur konferencë të përbashkët me gazetarët dhe se kjo praktikë e zakonshme është anashkaluar nga Mogherini.
