Pas takimit mes Mogherinit dhe Bushatit në Bruksel, të dy ata kanë dalë në një konferencë për shtyp.
Përfaqësuesja e lartë e KE, Federica Mogherini vlerësoi dhe mbështeti zbatimin e Reformës në Drejtësi.
Ajo u tregua mjaft optimiste lidhur me integrimin e Shqipërisë në BE, teksa tha se viti 2018 mund të jetë vendimtar në këtë rrugë të Shqipërisë për integrimin në BE, duke e cilësuar atë një “proces të pakthyeshëm”.
FJALA E MOGHERINIT:
Konfirmuan angazhimin tonë për integrimin e Shqipërisë në BE. Diskutuam mbi reforma që Shqipëria me vendosmëri po zbaton, po theksoj reformën e gjyqësorit që është reforma më e rëndësishme
Marrëdhëniet ekonomike tona janë pozitive por ka shumë hapësirë për përmirësimin, për këtë arsye i kemi dhënë rëndësi të madhe kësaj reforme. Dua të përgëzoj jo vetëm qeverinë shqiptare, por edhe popullin e saj për këtë reformë. BE do të vazhdojë ta mbështesë shqip sidomos për zbatimin e reformës së vettingut.
Ne diskutuam situatën në Ballkanin perëndim, Shqipëria luan një rol jetik rajonal në bashkëpunim dhe alternative për bashkëpunim duhet theksuar më shumë. Vlerësojmë politikat e sigurisë mes Shqipërisë dhe BE-së dhe kjo reflekton vizionin e përbashkët për rajonin dhe botën. Kam folur shkurt për disa nga aspektet, ishte takim produkt. Duke ecur me këto arritje, ne ramë dakord se 2018 do ofrojë një mundësi unike për rajonin, sot ne mund të themi qartazi se BE është forcuar shumë, duke ofruar një perspektive të qarta anëtarësimi për 6 vendet. Për Shqipërinë do të ecë në mënyrë konkrete, për ta bërë këtë proces ta pakthyeshëm. Jam e bindur, jam realiste, që Shqipëria 6-mujorin e ardhshëm do ndërmarrë hapa për integrimin në BE. Ne jemi gati!/ Tirana Today
