Drejtori sportiv i Partizanit, Luciano Moggi në një intervistë për mediat është shprehur se ekipi i tij është duke vuajtur vetëm në sulm. Kjo për arsye se nuk kemi në gjendje të mirë disa lojtarë që do të ishin deçizivë. Në këtë fjalë ka përmendur edhe Edgar Çanin i cili shumë pa minuta ka luajtur deri tani edhe pse erdhi me shumë bujë. Çani ka afat edhe 10 ditë për tu bashkuar me grupin, në të kundërt do të rishikojmë kontratën e tij. Ndërsa sa i përket objektivit që ka Partizani, Moggi devijoi pak duke lakmuar vetëm Europën dhe jo titullin kampion si ç’është folur deri tani.
“Çani ka edhe 10 ditë kohë. Nëse nuk do të jetë në gjendje për të luajtur, atëherë do të rishohim kontratën me të. Na kanë munguar disa lojtarë kryesorë dhe ky ishte motivi se përse nuk e kthyem dot ndeshjen ndaj Flamurtarit që na mposhti pas vetëm një goditjeje në portë. Në janar do të bëjmë përforcime në sulm. Nuk e ka fajin trajneri që nuk ka sulm. Por, nëse do të shohim se gjendja nuk ndryshon, atëherë do të ndryshojmë edhe stafin teknik. Mungesat po na detyrojnë që të ndryshojmë objektiv. Nuk është vetëm titulli, por edhe vendi i dytë dhe i tretë që na çon në Europë”, tha Drejtori i Partizanit, Luciano Moggi.
