Marrëveshja e Prespës është rast unikat për pajtim. Është mbyllje të kontestit dydekadësh mes Shkupit dhe Athinës. Ky rast mund të mos përsëritet më. Sygjerimet vijnë nga përfaëqsuesja e lartë për Siguri dhe Politikë të Jashtme të Bashkimit Evropian, Federika Mogerini.
“E kam pasur privilegjin të marr pjesë në firmosjen e Marrëveshjes. Dakordësi mes kryeministrave Zoran Zaev dhe Aleksis Cipras në qershor pranë Liqenit të Prespës. Të dy palët treguan guxim politik, lidership, përgjegjësi. Ata punuan pa lodhje që t’i tejkalojnë dallimet dhe problemet e vjetra dhe ta arrijnë këtë marrëveshje historike të cilën tërë Evropa e përshëndeti. Tani ka procedura nacionale për implementimin e marrëveshjes që zhvillohen në të dy anët dhe kjo duhet të mbrohet dhe respektohet. I kuptoj ndjeshmëritë dhe prapavinë historike komplekse të kontestit, si dhe brengat e shprehura. Kontesti nuk ka ekzistuar aq gjatë pa arsye, megjithatë siç u pamë në të kaluarën, sa më shumë kohë që kalon, aq më rëndë është të gjehet zgjidhje”.
Mogerini tha se procesi negociues duhet të ketë qenë i dhimbshëm dhe rezultati është një kompromis. “Por, është kompromis me të cilin me sukses plotësohen interesat kyçe të të dy palëve. Pozita jonë është e qartë: BE-ja tërësisht e përkrahë marrëveshjen e arritur. Kjo është mundësi unikate për pajtim të Ballkanit Perëndimor i cili mund të mos përsëritet. Shpresoj se të gjitha palët do ta kapin këtë moment dhe se do të sigurojnë të ardhme në BE për vendin, të ardhme të cilën gjithë kombi e shpreson me vite që të bëhet realitet”, deklaroi ndër të tjera Mogerini.
