Përfaqësuesja e Lartë për Politikë të Jashtme dhe Siguri e Bashkimit Evropian, Federika Mogerini, ka folur për sfidat e BE-së, sidomos pas vendimit të Britanisë së Madhe për t’u larguar nga unioni. Gjatë adresimit në një konferencë të Institutit Evropian për Çështje të Sigurisë, Mogerini ka thënë se inkuadrimi i vendeve nga Ballkani Perëndimor në Bashkimin Evropian do të jetë një nga dy prioritetet e saj për punë në periudhën e ardhshme, së bashku me përforcimin e sigurisë dhe mbrojtjes në Union.
Diplomatja evropiane ka thënë se vërehet një përkushtim i zyrtarëve dhe i qytetarëve të rajonit për të punuar për integrimet evropiane. Megjithatë, ajo ka theksuar se gjashtë vendet e Ballkanit Perëndimor duhet ta kontrollojnë veten se sa janë serioz për këtë rrugëtim, ndërsa e ka quajtur proces të pakthyeshëm integrimin në BE, raporton Shenja.
“Këtë nuk e them sepse Ballkanin e shoh si një problem problematik, por sepse konsideroj se ai është rajon me potencial më të madh”, ka thënë Federika Mogerini.
Ajo ka theksuar se në vendet e Ballkanit Perëndimor ekziston “nivel shumë impresionues” i përkushtueshmërisë ndaj BE-së, për shkak se tek ata besimi në Union është më i madh sesa tek disa anëtare të bllokut.
“Kemi ndikim të madh në rajon, të cilin në mënyrë të pamjaftueshme e shfrytëzojmë. Në mesatare atje kemi udhëheqësi të përkushtuara, të cilët janë të gatshëm të angazhohen, por edhe nuk pyesin se nëse ne jemi të përkushtuar dhe konzistentë. Në qoftë se BE-ja nuk angazhohet në Ballkan, këtë ‘do ta bëjë dikush tjetër’, ka thënë ajo.
Në këtë panel diskutimi është përmendur edhe mundësia e nxitjes se tensioneve ndërmjet vendeve të Ballkanit, tensioneve ndëretnike, sidomos pas rritjes së ndikimit rus në rajon.
