Telenovelës Lika Modric-Inter duket se i ka ardhur fundi dhe Real Madrid nuk është dorëzuar. Ditën e sotme ka pasur një takim mes agjentëve të lojtarit dhe Florentino Perez raporton ‘SkySport’, ku presidenti madrilen u ka komunikuar sërish se kroati është i pashitshëm dhe nuk do të dëgjojë asnjë ofertë.
“Agjentët e Modric kanë takuar sot Florentino Perez mirëpo Presidenti i Realit nuk dëshiron ta shesë lojtarin. Lojtari nuk do të bëjë asgjë që është jo profesionale në këtë drejtim. Perez nuk dëshiron të mbajë fjalën për premtimin që i ka dhënë kroatit. Inter do të tentojë përsëri në janar ose në qershorin e ardhshëm”, shkruan Sky.
