Në një seri postimesh në Twitter, Gigi Hadid ju drejtua të gjithë atyre që kanë folur keq për trupin e saj. “Për të gjithë ju shumë të vendosur të zbuloni pse trupi im ka ndryshuar përgjatë viteve, ju nuk e dini që kur fillova në moshën 17 vjeçare ende nuk isha diagnostifikuar me sëmundjen Hashimoto.” – shkruan modelja.
Ajo ka shpjeguar se si përgjatë viteve ka marrë mjekimet e duhura për të ndihmuar në lodhjen që ndiente, problemet me metabolizmin etj.
“Gjithmonë kam ngrënë njësoj, trupi im e merr ushqimin ndryshe tani që shëndeti im është më i mirë.” – shprehet Gigi. – “Mund të dukem ‘shumë e dobët’ për ty, sinqerisht as që dua të jem e dobët por ndihem më e shëndetshme dhe akoma po mësoj mbi trupin tim çdo ditë, si të gjithë.”
Serinë e shkrimeve ajo e mbylli me një kërkesë për përdoruesit e rrjeteve sociale të cilëve i kujtoi që nuk e dinin asnjëherë historinë e plotë. “Përdorni energjinë tuaj që të ngrini lart ata që admironi në vend që të silleni keq me ata që nuk i pëlqeni.” – përfundon Gigi.
