Qendra e Policisë së Kosovës ka marrë informacion se mund të kryhet një sulm në një nga spitalet në Kosovë, shkruan Indeksonline.
Pas kësaj informate është mobilizuar Policia e Kosovës për të siguruar spitalet në të gjithë vendin.
Madje në Mitrovicën Veriore janë parë pjesëtarë të Policisë së Kosovës duke i ndaluar të gjitha automjetet që hyjnë në zonën ku ndodhet Qendra Shëndetësore atje.
Zëdhënësi i Policisë së Kosovës, Baki Kelani ka konfirmuar për Indeksonline se kanë ndërmarrë të gjitha veprimet e nevojshme për të ofruar siguri.
“Prishtinë 06 prill 2021, Policia e Kosovës është institucion i zbatimit të ligjit dhe trajton ç’do informacion apo rast të raportuar, të ç’farëdo natyre apo vepre penale.
Të gjitha veprimet e nevojshme i ndërmerr konform autorizimeve ligjore në bashkëpunim dhe koordinim me institucionet kompetente, me qëllim të ofrimit të sigurisë, parandalimit të veprimtarive kriminale si dhe ruajtjes së rendit dhe qetësisë publike në vend.
Policia e Kosovës me kohë ka ndërmarr masat parandaluese dhe të sigurisë, pas sigurimit të një informate që ndërlidhet me kanosje, përderisa janë ndërmarrë të gjitha masat policore, situata vlerësohet e qetë dhe nuk ka vend për asnjë shqetësim nga ana e qytetarëve”./Indeksonline/
