Mjeku Arjan Mezini u shpreh se në spitalin “Shefqet Ndroqi”, i njohur ndryshe si Covid-2, nuk ka më shtretër të lirë për pacientët me koronavirus.
I ftuar në ‘Open’, ai tha se mbi 90% e pacientëve janë në gjendje të rëndë dhe shumë të rëndë, ku minimalisht u nevojiten 20-25 litra oksigjen në minutë.
“Numrat po reduktohen në Gjermani, Franncë ejt kurse tek ne po rriten. Momentalisht në “Shefqet Ndroqi”nuk është e mundur të dërgosh pacientë deri 3 pasdite. Ka pacientë në gjendje shumë të rëndë ku i nevojiten të paktën minimalisht 20-25 litra oksigjen në minutë. Mbi 90% janë në gjendje të rëndë dhe shumë të rëndë. E dimë që format e lehta nuk i referojmë në spital. Ata që u nevojiten 5 deri 10 litra janë në shtëpi. Nga graviteti i sëmundjes është i njëjtë si në nëntor”, tha mjeku.
