“Aldisoni ndodhet në koma të pakthyeshme”, kështu shprehen mjekët për gjendjen e djalit që para pak ditësh vrau ish-të dashurën Ariela Murati dhe më pas u vetëplagos.
Mësohet se gjendja e 23-vjeçarit vijon të jetë e rëndë dhe sipas mjekëve kemi të bëjmë me një koma të pakthyeshme, ndërsa i riu mbahet në jetë me aparatura.
“Kemi të bëjmë me një koma të pakthyeshme dhe mbahet në jetë me aparatura. Truri ka dëmtime shumë të rënda dhe ënjtje të trurit, ndërsa mbahet në jetë me aparatura. Në të tilla raste mjekësia ngre duart dhe nuk mund të bëhet gjë, por thjesht duhet të qëndrohet në pritje”, shprehen mjekët e spitalit, raporton “BalkanWeb”.
Ndërkohë të pyetur për mundësinë e transportimit jashtë Shqipërisë të pacientit, bluzat e bardha shprehen se për këtë rast nuk është nevoja për shkak të gjendjes së rëndë të 23-vjecarit.
