Shpesh njerëzit përdorin dieta nga më ekstremet, për të arritur në gjendjen e tyre normale. Dietat sa të kushtueshme, aq edhe torturuese, sigurisht që kanë pasoja tek shëndeti ynë.
Nëse dobësimi vjen gradualisht, kjo po që do të ishte diçka e mirë. Por ulja e menjëhershme në peshë, do të ndikonte negativisht për trupin tonë.
Sipas doktorëve, nëse humbni 1 kilogramë në javë, është e shëndetshme, por në të kundërt duhet të bëni kujdes. Humbja e shpejtë e kilogramëve do të shkaktojë ulje të nivelit të glukozës në gjak, gurë në tëmth, mungesë të vitaminave dhe mineraleve në trup, imunitet të dobët dhe mungesë energjie.
Studimet kanë provuar se njerëzit që humbasin peshë shumë shpejt, e rifitojnë atë sërish pas një viti.
