Këngëtarja shqiptare Bebe Rexha ka publikuar pak ditë më parë klipin e saj më të ri, të titulluar “Last Hurrah”. Duhet thënë se këtë herë Rexha vjen më e “çmendur” se kurrë teksa ka guxuar me skena provokuese e të nxehta.
Por krahas komplimenteve të shumta për guximin dhe idenë e klipit, ajo ka marrë edhe kritika. Është pikërisht i ati ai që duket se është ‘turpëruar’ nga klipi i Bebes. Madje, ka qenë vetë këngëtarja ajo që ka postuar bisedën me të atin, ku ky i fundit i thotë se i vjen turp të dalë në rrugë.
“Bën mirë të ndalosh së postuari pornografi idiote sepse po më bën të ndihem keq. Nuk mund ta pranoj më këtë. Ndihem i turpëruar të dal në publik. Jam shumë i zemëruar me ty, nuk më besohet”, i shkruan i ati Bebes në bisedën që ajo ka publikuar në “Instastory”.
“Babai im më urren.”- shkruan Bebe krahas fotos së publikuar.
Më pas, shqiptarja është penduar për këto postime, teksa ka bërë një tjetër sqarim në Tëitter:
“Babai im nuk është djalë i keq. Nuk duhej që ta kisha postuar atë screeenshot. Jam e zhgënjyer me veten time. Unë e kuptoj se ku po vjen si baba dhe për këtë arsye teksti ishte pak i ashpër. Jam e mërzitur se ai ende nuk më flet, por ai është babai im”.
