Quhet ndryshe Zona e Shkretëtirës, me një sipërfaqe 400 mijë hektarë, dhe mbi 2000 metra mbi nivelin e detit në Çihuahuan në veri të Meksikës. Këtu nuk funksionon siç duhet asnjë radio dhe asnjë pajisje.
Ekspertët që studiojnë zonën nuk kanë ende asnjë shpjegim logjik për këto fenomene. Gjatë shekullit XX, aty janë rrëzuar disa meteoritë. Dy prej tyre ranë në të njëjtën fermë, njëri në vitin 1938, dhe tjetri në vitin 1954. Një meteor i tretë ra në vitin 1969 në Luginën Alende, pak më në perëndim të zonës.
Por, ajo bë e famshme në vitin 1970, kur u rrëzua një raketë e NASA-s. Dëshmitarët thanë se pajisjet e tyre si busullat apo radiot në momentin që filluan të raportonin u prishën. Disa kanë teorizuar se anomalitë shkaktohen nga depozitat nëntokësore të magnetitit, si dhe mbeturinat nga meteoritët e shumtë.
Ndërkohë, banorët e zonës pretendojnë se aty ka aktivitete të jashtëtokësorëve. Madje disa pretendojnë se kanë kontaktuar me disa njerëz me veshje të veçanta, që janë zhdukur brenda disa sekondash.
