Miriam Cani ka publikuar një ditë më parë këngën e saj më të re. “Në parajsë” titullohet kënga që shoqërohet edhe me një klip shumë të veçantë buzë një liqeni.
Ndërkohë në videoklip Miriami shkëlqen e veshur me një fustan të bardhë. Këngëtarja ka falenderuar përmes një postimi në “Instagram” të gjithë bashkëpunëtorët që punuan për këtë produksion muzikor.
“Faleminderit @kledibahiti për kompozimin e kësaj kënge që më bëri për vete që në momentin e parë kur e dëgjova. Je super artist dhe mbi të gjitha super njeri dhe mik”, shkruan Miriami.
E pasi falenderoi kuratorët e imazhit si dhe pjesën tjetër të stafit realizues, këngëtarja kishte zgjedhur t’i dedikonte disa fjalë të ëmbla edhe partnerit të saj, Alban Skënderaj, i cili ka shkruar edhe tekstin e këngës.
“I fundit por jo më pak i rëndësishmi, faleminderit Alban Skënderaj për këto vargje kaq romantike. Ti je frymëzimi im i përjetshëm dhe forca ime më e madhe”, shkruan Miriam Cani në postimin e saj në “Instagram”.
