Kryeministri Rama ka thyer rekordin ditët e fundit me anë të mesazheve kumbuese në rrjetet sociale. Ai jo vetëm që ka kërkuar dialog me studentët, por hera-herës edhe i ka thumbuar.
Pas nuk ka lënë edhe ngacmimet që i jep kundërshtarëve të tij politikë, me theks të veçantë ndaj kreut demokrat, Lulzim Basha e kryetares së LSI, Monika Kryemadhi. Teksa kjo situatë nuk po merr zgjidhje, Rama i ka lënë për pak çaste, duke u fokusuar tek videot që poston çdo mëngjes.
“MIRËMËNGJES, dhe me këto pamje nga kantieret e punës për rilindjen e qendrës historike të Dhërmiut, ju uroj një ditë të mbarë”, ka shkruar ai, bashkëngjitur videos.
Edhe në këtë postim priteshin komentet e qytetarëve të cilët e kritikojnë Ramën për protestën, sikundër ka ndodhur në çdo postim. Por duket se Rama është lodhur nga këto postime, duke i fshirë të gjithë ata që e shajnë.
Madje një prej tyre e evidenton këtë fakt. Ata që merren me faqen zyrtare të kryeministrit, e kanë për “detyrë” të lënë vetëm lëvdatat, komplimentet, dhe kjo duket fare qartë.
