Mirditë, sekuestrohen 15 kg marijuanë,shpallet në kërkim 40-vjeçari

 Në bazë të informacioneve të siguruara në rrugë operative se, në një banesë në fshatin Perlat i Epërm në Mirditë, ka lëndë narkotike, menjëherë është organizuar puna dhe është ushtruar kontroll.
 
Si rezultat i kontrollit , në afërsi të banesës së shtetasit T.L. 40 vjeç, banues në Perlat i Epërm-Mirditë , në një zonë të pyllëzuar, u gjet dhe sekuestrua në cilësinë e provës materiale 15 kg lëndë marijuanë fshehur në një bidon plastik.
 
Shtetasi T.L. nuk u gjet në banesë, por u shpall në kërkim, i dyshuar si posedues i lëndës narkotike dhe po punohet për kapjen e tij.
 
Materialet procedurale iu referuan Prokurorisë së Rrethit Gjyqësor Lezhë për veprën penale “Prodhim dhe shitje e lëndëve narkotike” parashikuar nga neni 283 i Kodit Penal.