Kampionët e Anglisë në minutat e fundit të merkatos mbrëmjen e së enjtes kanë nënshkruar me mesfushorin anglez Danny Drinkwater dhe mbrojtësin italian Davide Zappacosta.
Drinkwater, 27 vjeç, është angazhuar për 5 vjet për 37,9 milionë euro.
“Rruga ishte e gjatë për të arritur deri këtu, ndaj jam shumë i kënaqur që do të ndihmoj klubin për të fituar trofe”, deklaroi Drinkwater.
Ai do të gjejë te klubi londinez francezin N’Golo Kante me të cilin fitoi Premierligën në 2016 kur luanin me Leicester.
Ndërsa sipas mediave angleze, Zappacosta, 25 vjeç, ka nënshkruar për 4 vjet në shumën e 25 milionë euro.
