Ministrja teknike e Financave, Helga Vukaj, ka shkarkuar nga detyra oficerin e policisë gjyqësore, Kliton Bistri.
Shkarkimi vjen pasi ky i fundit akuzohet se ka marrë pjesë në fushatë zgjedhore duke shkelur ligjin.
Lajmi bëhet i ditur nga vetë ministria e Financave, e cila njofton: Ministria e Financave bën me dije shkarkimin nga detyra te specialistit te hetimit tatimor, oficer i Policisë Gjyqësore Kliton Bistri, për pjesëmarrje ne kundërshtim me ligjin dhe urdhrin nr.65/ 2017 të Kryeministrit në fushate elektorale, duke cenuar rëndë figurën e OPGJ dhe standardet zgjedhore.
Ky është shkarkimi i dytë brenda dy ditësh nga ministrat teknikë të zgjedhur nga Basha, pasi ditën e djeshme ministria e Drejtësisë shkarkoi nga detyra Drejtorin e Burgjeve në Tropojë, Granit Kurmekaj për veprën penale të përfshirjes në fushatën zgjedhore të një subjekti zgjedhor.
