Gjatë kësaj jave janë shkarkuar nga detyra 5 punonjës së administratës shtetërore, ndërsa në total janë ndërmarrë 26 masa disiplinore. Vendimi në fjalë është përcjellë nga ministrja e Drejtësisë, Etilda Gjonaj. Po kështu ajo shtoi se ndaj disa prej tyre, ka nisur edhe procedimi penal.
“Veprimtaria e Task-Forcës Antikorrupsion dhe institucionet e tjera ligjzbatuese është intensifikuar edhe gjatë kësaj jave. Kjo për identifikimin dhe dokumentimin e të gjithave akteve korruptive dhe shkeljeve ligjore, të kryera nga punonjësit e administratës, me synimin përfitimin e paligjshëm.
Bazuar në denoncimet e qytetarëve në platformën e bashkëqeverisjes “shqipëriaqëduam.al”, Task-Forca ka realizuar inspektime e kontrolle në disa institucione. Si ALUIZNI Durrës, ALUIZNI Kavajë, Inspektorati Shtetëror i Punës dhe Shërbimeve Shoqërore Dega Tiranë. Task Forca ka rekomanduar 26 masa disiplinore, prej të cilat 5 shkarkime nga puna”, tha Gjonaj.
