Së fundmi, Ministrja e Kulturës ka dhënë një lajm të mirë për pushuesit në Durrës.
Elva Margariti, ka nënshkruar një marrëveshje me kryetaren e bashkisë së Durrësit, duke ofruar bileta falas për sitet arkeologjike të këtij qyteti për pushuesit që do të akomodohen në hotelet përgjatë vijës bregdetare të bashkisë së Durrësit.
“Ne si Ministri i bashkohemi më tepër bizneseve duke iu ofruar një paketë biletash falas, sepse mendojmë që ky do të jetë viti që do të sjellë turistë lokalë në sitet tona”, deklaroi ministrja Margariti.
Pushuesit vendas dhe ato nga Kosova dhe Maqedonia e Veriut shikohen si shpresa e vetme për hotelet për të rikuperuar sado pak nga humbjet që i janë shkaktuar nga COVID-19.
