Ministri i Brendshëm, Sandër Lleshaj, ka mohuar kategorikisht se ka patur procedime ndaj studentëve protestues, dhe jo vetëm. Këtë konfirmim ai e ka dhënë nga foltorja e Kuvendit, pas lajmeve se profesor Edmond Tupja dhe studentët protestues, janë proceduar penalisht nga Policia e Shtetit.
Po kështu ai shtoi se ka nisur procedurat kundër zyrtarëve të policisë, që nuk përgënjeshtruan në kohë lajmin që u përhap dje.
“Po e theksoj edhe njëherë, se nuk ka patur asnjë procedim penal ndaj asnjë pedagogu apo studenti protestues. Kam filluar procedurat për ata punonjës të policisë, që nuk kanë përgënjeshtruar këtë lajm që mori përmasa të mëdha”, deklaroi Ministri i Brendshëm.
Një ditë më parë u përhap lajmi në lidhje me një listë prej 25 personave, të cilët janë proceduar penalisht, për shkak të pjesëmarrjes në protestë.
Edmond Tupja e thotë troç: Më zhvirgjëruan dëshminë e penalitetit
