Syri i Kaltër do të jepet me qira nga Ministria e Financave për 10 vitet e ardhshme.
Institucioni në fjalë ka marrë vendimin që t’ia japë me qira shoqërisë “Albturist T.O”, me një pagesë mujore dysheme, e cila fillon nga 72,500 lekë të reja. Bëhet fjalë për një sipërfaqe prej 470 metra katrorë, nga të cilat 220 metra katrorë janë objekt dhe 250 metra katrorë sipërfaqe funksionale.
Në njoftimin e Ministrisë, thuhet që dhënia me qira e kësaj zone mund të gjenerojë të ardhura dhe punësim për banorët.
Vetë kompania fituese ka vendosur disa kritere për kompanitë e tjera që do të futen në garë për ta zhvilluar atë. Ku kërkon që zona të jepet me qira vetëm duke ruajtur destinacionin e tij fillestar, që është – ushtrimi i veprimtarisë turistike në fushën e akomodimit turistik.
