Ministri i Mbrojtjes i Turqisë, Hulusi Akar, i ka bërë thirrje Greqisë që të mos bëhet “meze” për interesat e të tjerëve.
Mesazhi i ministrit ishte një kunj për palën franceze, e cila sipas tij përdor helenët për interesat e saja në rajonin e Mesdheut.
“Greqia nuk duhet të bëjë asgjë në këtë krizë. Thjesht të rrijë urtë dhe të mos bëhet meze për interesat e të tjerëve“, tha ai.
Mediat greke e kanë cilësuar deklaratën e ministrit turk si një kërcënim për luftë, duke u nisur edhe nga fjalia “të mos bëhen meze”.
Prej ditësh tashmë, Turqia dhe Greqia ndodhen në një konflikt për Mesdheun Lindor, që mund të çojë edhe në një luftë mes vendeve.
