Ministri i Administratës Publike dhe Vetëqeverisjes Lokale i Serbisë, Branko Ruzic, ishte në mesin e shumë personaliteteve vendore dhe të huaja që morën pjesë në varrimin e legjendës së futbollit shqiptar, Fadik Vokrrit, të dielën pasdite. Ish-presidenti i Federatës së Futbollit të Kosovës, Fadil Vokrri, vdiq të shtunën në mëngjes si pasojë e një sulmi në zemër teksa po stërviste në palestër.
Përveç i disa klubeve tjera, Vokrri ka qenë lojtar edhe i Partizanit të Beogradit dhe ish-Jugosllavisë në vitet e ‘80-ta, për çka edhe mbahet mend nga shumë serbë, të cilët e kanë nderuar dhe kanë shprehur ngushëllime për vdekjen e tij. Ndër ta edhe ministri Ruzic, i cili mori pjesë dje në varrimin e tij të dielën.
Ditën e vdekjes së tij, Ruzic kishte shkruar në Twitter: “Ju ishit vëllai, miku dhe njeriu im i sinqertë, si dhe partizanas me zemër. Faleminderit për gjithçka, Fadil. Pusho në paqe. Po shkon në përjetësi”.
