Ministri i Punëve të Jashtme të Kosovës, Behgjet Pacolli po zhvillon një vizitë zyrtare në Mal të Zi.
Pacolli është takuar me homogun e tij malazez, Serxhan Darmanovic, me të cilin ka diskutuar lidhur me çështjen e demarkacionit.
Mësohet se Pacolli ka thënë se ratifikimi i marrëveshjes për demarkacionin me Malin e Zi në Kuvendin e Kosovës është i pamundur për shkak të raportit të partive.
“Ne jemi të vetëdijshëm që marrëveshja është nënshkruar, por kërkojmë mirëkuptim dhe durim”, ka thënë Pacolli.
Ndërkohë, Darmanovic u shpreh se demarkacioni për shtetin malazez është një punë e përfunduar.
“Unë besoj se institucionet kosovare do të marrin vendimin për ratifikimin e marrëveshjes së kufirit, duke u bazuar në atë se kufijtë që kanë ekzistuar në ish-Republikën Federative të Jugosllavisë janë vërtetuar nga dy komisionet tona dhe një komision ndërkombëtare. Siç kam deklaruar më herët, demarkacioni mes dy vendeve është punë e kryer”, ka thënë ai.
