Dje ka qënë një ditë e nxehtë për zhvillimet politike, ku kryefjalë ishte dekretimi i Ministrit të Jashtëm, ku Meta argumentoi përmes fakteve pse ishte kundër Gent Cakaj. Kjo çështje është komentuar edhe nga gazetari Dritan Hila, e politologu Ralf Gjoni, teksa kanë qënë të ftuar në “360 Gradë”.
Pjesë nga debati:
Gjoni: Politikën e jashtme nuk e bën Ministri i Jashtëm, dhe as ndonjë kandidat i ri djalosh për Ministër të Jashtëm, që shpreh ndonjë opinion tek Batoni. Politikën e Jashtme e bën Kryeministri, Presidenti dhe Kuvendi.
Hila: Ku i gjeni këto teori që Ministri i Jashtëm nuk ka punë për politikën e jashtme. Ministri i Jashtëm është figura numër dy pas Kryeministrit. Kam hasur edhe mendime të tilla që Ministri i Jashtëm të jetë një djalë i bukur që flet mirë anglishten, dhe të vijë vërdallë nëpër Evropë. Ore, Ministri i Jashtëm të ngul gozhdën, që nuk ka diplomaci që mund ta ndryshojë.
Gjoni: O Dritan, ti e di mirë që politikën e jashtme nuk e përcakton Ministri i Jashtëm.
Hila: E ke shumë gabim. Përcakton shinat.
