“Berlini nuk do të vendosë një embargo të menjëhershme ndaj energjisë ruse, pavarësisht mizorive në Ukrainë”, thotë ministri gjerman i Ekonomisë, Robert Habeck. Ai ka deklaruar se ekonomia më e madhe e BE-së, po punon drejt ndërprerjes së energjisë ruse.
“Ne po punojmë drejt një embargoje, me masa që çdo ditë po e dëmtojnë Putinin. Jemi në një kurs të mirë dhe këtë javë do të bëjmë më shumë progres në atë kurs”, thotë ai.
“Ne po punojmë për pavarësinë nga gazi, qymyri dhe nafta ruse”.
Habeck është shprehur se para pushtimit rus të Ukrainës, 35% e naftës së Gjermanisë vinte nga Rusia, tani është më shumë si 25%. Në deklaratat e mëparshme ai ka thënë që që nga pushtimi, varësia gjermane nga gazi rus ka shkuar nga 55% në 40%.
“Për shkak të vrasjeve civile në Bucha dhe gjetkë në Ukrainë, sanksionet e reja kundër Rusisë do të vendosen këtë javë”, shtoi më tej ai.
Burimi i lajmit: BBC. Përshtatur nga Tirana Today
