Ministri i Punëve të Jashtme të Gjermanisë, Heiko Mass tha se njohja e pavarësisë së Kosovës, është një nga kushtet kryesore për anëtarësimin e Serbisë në Bashkimin Evropian.
Ministri është shrehur se marrëdhëniet e pazgjidhura midis Kosovës dhe Serbisë kushtojnë shumë për të dyja vendit, duke qenë se problemet e tyre sjellin pasoja për zhvillimin ekonomik dhe kështu ndikohet i gjithë rajoni.
Në një intervistë për gazetën serbe, Kurir, Mass tha se një zgjidhje e tillë do të ishte një rrugë e hapur e Serbisë drej Bashkimit Evropian.
“Rregullimi i marrëdhnieve të pazgjidhura mes Beogradit dhe Prishtinës është një nga kushtet për anëtarësimin e Serbisë në Bashkimin Evropian. Afatet ose disa dinamika të paracaktuara për anëtarësim në Bashkim nuk ekzistojnë, por do të ishte mirë nëse negociatat me Serbinë janë më dinamike. Fakti që Qeveria e Serbisë ka njohur domosdoshmërinë e reformave është një fakt që na bën të lumtur. Kur bëhet fjalë për zbutjen e pasojave të pandemisë së koronavirusit, BE do të jetë një partner me vendet e Ballkanit Perëndimor dhe do t’i sigurojë rajonit një ndihmë prej rreth 12 miliardë euro”, u shpreh shefi i diplomacisë gjermane.
