Ministri i Brendshëm gjerman Horst Seehofer ka kritikuar ashpër organin drejtues të futbollit evropian UEFA-n për lejimin e turmave të mëdha në ndeshjet e Euro 2020 mes pandemisë së koronavirusit.
Gjermania lejoi një numër të kufizuar tifozësh që të hyjnë në stadiumin e Mynihut, por Uembli i Londrës kishte mbi 40,000 fansa në fitoren 2-0 të Anglisë ndaj gjermanëve në raundin e 1/8-ave.
“Unë e konsideroj pozicionin e UEFA-s absolutisht të papërgjegjshëm,” tha Seehofer në një konferencë shtypi të enjten.
“Ne të gjithë e dimë që shmangia e kontaktit dhe disa rregulla higjienike janë thelbësore për të shmangur infektimet.”
Kur sheh imazhe të “njerëzve shumë afër me njëri-tjetrin” dhe “duke festuar fitoret me përqafime”, shtoi Seehofer, është “afër mendjes që kjo do të rrisë infektimet”.
Për gjysmëfinalet dhe finalet në Uembli, 60,000 spektatorë do të pranohen pavarësisht nga rritja e shifrave të koronavirusit në Britani për shkak të variantit Delta.
