Pas votimit të dekreteve të kreut të shtetit, Ilir Meta, lidhur me ndryshimet në qeveri, 7 ministrat e rinj dhe zv/kryeministri kanë marrë sot zyrtarisht detyrën pas betimit në Presidencë.
Ceremonia e betimit u zhvillua në orën 14:30, e ndërsa Rama nuk ishte i pranishëm. Ditët e fundit kanë dalë dukshëm problemet mes palëve, pas refuzimit që kreu i shtetit i bëri Gent Cakajt për postin e ministrit të Jashtëm.
Kreu i ekzekutivit i dha zgjidhje krizës, duke marrë vetë edhe postin e Ministrit të Jashtëm përkohësisht, deri kur të shprehet Gjykata Kushtetuese. Ndërkohë që Meta ka afat deri të hënën, që të shprehet për dekretin e Ramës.
