Opozita paralajmëroi ditën e sotme një mosbindje civile ndaj qeverisë së kryeministrit Rama, pas vendosje së taksës në Rrugën e Kombit. Opozita nxitoi të përfitonte nga revolta e banorëve të Kukësit pas protestës së dhunshme në Kalimash pak ditë më parë, aq sa dje iu bashkua familjarëve të të arrestuarave një ditë më parë në Gjykatën e Tiranës duke u përplasur me policinë. Një ditë më parë, opozita theksoi për mosbindje civile dhe se do të ndiqte nga pas revoltën popullore.
Por ajo që u pa sot ishte vetëm një bllokim rrugësh dhe revolta ndihej vetëm në zemërimin e një pjese të mbështetësve dhe militantëve të Partisë Demokratike.
Megjithatë, nuk kanë munguar as provokimet, ku deputeti Flamur Noka bashkë me Bardh Spahinë janë përplasur me policinë, pasi kjo e fundit kërkoi zhbllokimin rrugor në zonën e Milotit. Pas kësaj kërkese, deputetët e PD-së e ndjekur nga turma kanë filluar të përpalsen me policinë por pa shkaktuar incidente të mëtejshme.
Pas thirrjes së vazhdueshme të policisë deputetët bashkë me militantët e tyre liruan rrugën kryesore, duke ndjekur shembullin e protestuesve të tjerë në zonat e ndryshme të vendit të cilët për rreth 3 orë bllokuan akset kryesore rrugore.
Shpërndarja e tyre erdhi gjithashtu edhe pas tërheqjes së kryeministrit Rama në parlament nga taksa për rrugën e Kombit duke iu kërkuar falje banorëve të Kukësit por edhe atyre që mund të preken nga kjo taksë.
Një gjest i shëmtuar për një kryeministër që tentoi të provojë se sa i mban kurrizi qytetarëve me taksat e shtuara ccdo ditë. Dhe pasi nuk ia doli tashmë u tërhoq, ndërsa opozita nga ana tjetër pret revoltat e qytetarëve për t’iu bashkuara kauzave të tyre, pasi vetë ka dështuar ta detyrojë qeverinë Rama të tërhiqet nga vendimet e saj.
