Një nga miliarderet më të famshme në botë Kylie Jenner si rrallëherë së fundmi ka bërë një postim në të cilin tregon se jeta e saj e vërtetë nuk është ajo që të gjithë shohin në Instagram. E ta mendosh që ajo që kemi parë deri më tani nga postimet e Kylie Jenner ka qenë thjesht “sipërfaqësore”, siç e ka cilësuar edhe ajo vetë.
21-vjeçarja e cila është nënë e një vogëlushjeje të quajtur Stormi, i ka treguar gjithë botës se edhe ajo është një njeri si gjithë të tjerët dhe ndryshe nga shumë të tjerë, ajo ka vuajtur nga ankthi dhe madje në rrugëtimin e saj ka humbur shumë shoqe. Vlen të theksohet fakti se postimet e saj në Instagram janë realisht perfekte dhe madje ajo është një nga yjet e rrjeteve sociale që përflitet më shumë nga të rinjtë, por jo vetëm.
Bukuroshja ka vendosur të reagojë dhe t’iu thotë të gjithëve që jeta e vërtetë nuk është Instagram-i, apo fotot perfeksioniste në Instagram, por jeta e vërtetë është gjithçka që nuk postohet në Instagram.
Jeta e vërtetë lidhet me… gjërat e ‘shëmtuara’ që i ndodhin gjithsecilit prej nesh, ato që kemi turp t’i ndajmë me të tjerët, por që në fund të fundit janë ato të cilat na kanë formësuar dhe na kanë bërë ne të jemi, ato që jemi sot.
Ja postimi i plotë i Kylie Jenner: “Jam krenare me veten, zemrën time dhe fuqinë time. Të rritesh me miliona sy që të shohin nuk është normale. Kam humbur shokë e shoqe gjatë rrugës dhe veten disa herë. Tatuazhi im i parë ishte ‘sanity’ për t’i kujtuar vetes çdo ditë për ta mbajtur (mendjen të shëndoshë). Kam vuajtur nga ankthi gjatë gjithë jetës sime si e rritur dhe pasi lindi bebi u përballa me ulje-ngritje. Ndihesha sikur duhet të rigjeja sërish veten. Mbajta shumë për vete, por thjesht dua ta ndaj me ju dhe t’ju them se jam njeri. Jeta ime nuk është perfekte dhe ajo që shihni këtu në median sociale është vetëm sipërfaqja. Tregohu i butë me veten, ec para dhe harro. Të gjithë jemi të aftë për gjëra të mëdha, meritojmë dashuri, dhe na lejohet të shprehim vetveten. Bëj më shumë gjëra që të bëjnë të lumtur dhe mos kërko falje”.
https://www.instagram.com/p/Bz93XwCHtW3/
