Milani ka shkatërruar Veronan në “San Siro” për të parakaluar Atalantën në garën për një vend në Europa League sezonin e ardhshëm. Kuqezinjtë e nisin me ritme mjaft të larta ndeshjen, duke gjetur që në minutën e 10’ golin e parë pas një kombinimi Suso-Calhanoglu dhe ky i fundit e dërgon topin në fundin e rrjetës.
Kur u plotësua gjysmë ore lojë ishte Bonaventura që asistoi mjaft mirë për sulmuesin Cutrone dhe ky i fundit me një kthesë mjaft të bukur e dërgon topin në rrjetë.
Milan ka fituar 4-1 ndaj Verona në “San Siro” dhe ngjitet në vendin e gjashtë, duke forcuar pozitat për të marrë pjesë në Europa League sezonin e ardhshëm. Ky ishte goli numër 8 në kampionat për sulmuesin 20-vjeçar, të tetë nga brenda zonës.
Milani nis me të njëjtin ritëm edhe pjesën e dytë, pasi gjen golin e tretë me Abaten pas një kombinimi mjaft të mirë në të djathtë të zonës me Suson.
Verona, që matematikisht ra nga kategoria, e gjeti golin e nderit, pesë minuta para fundit me anë të 20-vjeçari nga Koreja e Jugut, Seung-Woo Lee. Gjithsesi, në minutën e fundit të ndeshjes, Milan kompletoi “poker” me golin e katërt, firmosur nga Borini. Në mesjavë, Milan do të ndeshet me Juventus në “Olimpico” për finalen e Kupës së Italisë.
