Cristiano Ronaldo tashmë është 34-vjeç dhe dita kur të largohet nga futbolli aktiv vetëm afrohet. Ylli portugez vazhdon të stërvitet intensivisht dhe është e sigurt që ai do të vazhdojë të jetë në nivele të larta edhe për disa vite. Por se me çfarë do të merret Ronaldo pasi të tërhiqet nga futbolli, e ka zbuluar miku i tij, Joao Monteiro.
‘Mjaftonte të ngjisje disa shkallë dhe përpara gjeje dhomën e ëndrrave, një hapësirë e mbushur me tavolina dhe raketa ping-pongu. Zhurma frenetike e topit ndizte shumë interesin e Cristiano Ronaldos, që nëse nuk do të kishte pasur impenjime të tjera, duke nisur që nga mosha 16-vjeçare, kur luante për Sportingun e Lisbonës, ai do të kishte qenë i lumtur që të kalonte orë të shumta, duke luajtur ping-pong.’
Joao Monteiro, një ndër yjet botërorë të këtij sporti (arriti deri në numrin 31 të botës), shpenzonte shumë orë me Cristianon mes raketave dhe ndërkohë sot kujton: “Talenti është diçka universale dhe Cristiano kishte aq shumë që në moshën 16 vjeç, sa nëse nuk do ia kishte dalë me futbollin, mund të bënte shumë rrugë me ping-pongun.
Gjithsesi, ka kohë që ta tentojë këtë, pasi të lërë futbollin në të ardhmen, edhe pse futbolli është jeta e tij dhe ai ende sot e kësaj dite e konfirmon duke u stërvitur çdo ditë sikur të kishte qenë e para”.
