Lajme të mira në vijnë nga sinoptikanët sa i përket motit në orët dhe ditët në vazhdim. Sinoptikania Tanja Porja, në një prononcim për News 24 ka deklaruar se reshjet e shiut do të vijojnë me intensitet mesatar dhe të lartë deri në mesnatën e sotme, kryesisht në zonat jugore të vendit. Reshjet do të pakësohen duke nisur rreth mesnatës, përkatësisht rreth orës dy ose tre.
Duke gdhirë mëngjesi reshjet do të pakësohen në jug, ndërsa ne zonat malore, reshjet do jenë në një intensitet të dobët, por pa ndonjë rrezik të mundshëm.
Reshjet e shiut do të jenë prezente në zonat jugore dhe qendrore të vendit, kurse në veri në zona shumë të thella do të ketë reshje bore.Duke nisur nga dita e hënë, moti do të përmirësohet ndjeshëm, pasi nga e marta deri ditën e enjte moti do të jetë me kthjellime. Në ditën e sotme temperaturat kanë pësuar ulje 2-3 gradë celcius.
