President Ilir Meta ka përshëndetur vendimin e Parlamentit Evropian për të njohur Juan Guaido si president të Venezuelës.
Përmes një statusi në rrjetin social “Twitter”, kreu i shtetit shprehet se populli i Venezuelës ka të drejtë të zgjedhë në mënyrë demokratike presidentin përmes votës së lirë.
“Përshëndes vendimin e #ParlamentiEuropian për të njohur #JuanGuaido si Presidentin legjitim të përkohshëm të #Venezuelës. Populli i Venezuelës meriton të zgjedhë i lirë Presidentin e tij dhe të organizojë sa më shpejt #zgjedhje të lira dhe demokratike”, shkruan Meta.
