Nëse presidenti Meta ka ndihmuar mikun e tij Gruevski që të arratiset, atëherë duhet të japë dorëheqjen. Kështu shkruan avokati Spartak Ngjela, i cili hedh dyshimet se Meta ka ndihmuar Gruevskin që të kalojë nga Shqipëria në Hungari.
Këtë informacion, shkruan avokati e ka FBI, por edhe policia shqiptare e për rrjedhojë edhe Rama. Ky i fundit ka në dorë presidentin nëse vërtet Meta ka ndihmuar Gruevskin dhe nga ana tjetër presidenti ka në dorë dekretimin e Lleshajt si ministër.
“E shihni se sa qesharak bëhet korrupsioni shtetëror kur kapet nga ligji? Gjithsesi, fati i të korruptuarit Gruevski, prite të jetë edhe fati i korrupsionit të larë shtetëror shqiptar”, shkruan ndër të tjera Ngjela në një postim në Facebook.
Reagimi i plotë:
Gruevski i arratisur, me arratinë e tij, e vërtetoi që është vjedhës.
Por, që u arratis nëpërmjet Shqipërisë për në Hungari, mendohet se është ndihmuar nga korrupsioni i lartë shqiptar.
Në Tiranë ka rënë zia. Miku i madh i Gruevskit, Meta, ndihet në hall se Gruevski u vërtetua nga policia shqiptare që ka dalë nga Shqipëria për të shkuar në Hungari.
Po Meta ka gisht?
Këtë e di FBI. Nëse FBI ia ka vërtetuar, Meta duhet të japë dorëheqjen. Është një veprim tejet ordiner për një President.
Miqësia e Metës me Gruevskin në thelb është tërbim antishqiptar. Ishte Meta ai i cili i kërkoi Ali Ahmetit që ky të bashkohej me Gruevskin për t’i dhënë pushtetin këtij të fundit dhe jo Zaevit. Domethënë i kërkoi liderit shqiptar të Maqedonisë të ishte kundër shqiptarëve. Kurse Ali Ahmeti nuk e dëgjoi.
Po policia shqiptare, a mund ta provojë që Meta ka gisht ndihmues në arratinë e Gruevskit nëpërmjet territorit shqiptar?
Nëse Meta ka pasur gisht, këtë tani e di edhe policia shqiptare. Atëherë këtë e di edhe kryeministri Rama. Po Rama do ta denoncojë? Nëse e ka vërtetuar policia shqiptare nuk ka se çfarë të bëjë, sepse, pas këtij fakti, mosdenoncimi është me shumë pasoja negative për një kryeministër. Por gjithsesi, komedia qëndron se, po të jetë kapur Meta nga policia shqiptare në
çështjen Gruevski, tani Meta është në mëshirën e zëvëndës ministrit të Brendshëm Lleshaj, të cilit i refuzoi emërimin si ministër .
E shihni se sa qesharak bëhet korrupsioni shtetëror kur kapet nga ligji?
Gjithsesi, fati i të korruptuarit Gruevski, prite të jetë edhe fati i korrupsionit të larë shtetëror shqiptar. Është e njëjta histori, dhe është po e njëjta psikikë kriminale që ka drejtuar si Shqipërinë, ashtu edhe Maqedoninë, në këta njëzet vjetët e fundit.
