Ndërkombëtarët mbështesin dhe inkurajojnë mbajtjen e zgjedhjeve më 30 qershor, pavarësisht dekretit të presidentit Meta për shtyrjen e zgjedhjeve më 13 tetor.
Duket se Meta ndihet i braktisur teksa ata kanë mbështetur publikisht qëndrimin e kryeministrit Rama, për mbajtjen e zgjedhjeve. Këtë presidenti e ka treguar me anë të një postimi të ish-ministrit Manjani, të cilin e ka shpërndarë në Facebook.
“Kryetarët e bashkive të PD e LSI të bëjnë sot 4 kopje çelësash të zyrave të tyre.
Nesër ti shpërndajnë publikisht këto çelësa si vijon:
Një kopje kandidatëve të Edi Ramës si shenjë paqësore dhe jo vëllavrasëse.
Nga një kopje tua japin, ODIHR, Ambasadës Amerikane dhe misionit të BE, si shenjë anti dhunë por me kusht që këto çelësa ti çojnë shefave të tyre në shenjë TURPI!”, shkruan ndër të tjera Manjani.
Postimi i Manjanit publikuar nga Meta:
Duket sikur vëzhguesit e huaj, kanë ardhur për të vëzhguar opozitën këtë radhë dhe jo votimet.
Në fakt ç’tu vëzhgosh atyre votimeve…
Në fakt, pakkush do të dëshironte një përplasje të dhunshme shqiptar me shqiptar. Aq më tepër në kushtet kur të huajt fërkojnë barkun.
Nga ana tjetër, opozita e kishte llogaritur të humbur pushtetin lokal që kur mori vendim për të mos hyrë në këto zgjedhje.
Në këto kushte sugjerimi im është:
Kryetarët e bashkive të PD e LSI të bëjnë sot 4 kopje çelësash të zyrave të tyre.
Nesër ti shpërndajnë publikisht këto çelësa si vijon:
Një kopje kandidatëve të Edi Ramës si shenjë paqësore dhe jo vëllavrasëse.
Nga një kopje tua japin, ODIHR, Ambasadës Amerikane dhe misionit të BE, si shenjë anti dhunë por me kusht që këto çelësa ti çojnë shefave të tyre në shenjë TURPI!
E kam shumë seriozisht këtë propozim!
