Ilir Meta, pasi votoi, i shoqëruar nga bashkëshortja dhe e bija, uroi besimtarët mysliman për festën e Fiter Bajramin, por dha edhe një mesazh të fortë për zgjedhësit shqiptarë.
Ai u kërkoi shqiptarëve të mos shesin lirinë dhe dinjitetin e tyre dhe të ndëshkojnë çdo sekser që tenton të blejë të ardhmen e tyre.
“Sot është një ditë me rëndësi për shqiptarët dhe të ardhmen e tyre. Unë nuk do tu them sot shqiptarëve se kë duhet të votojnë, por kë nuk duhet të votojnë”, tha Meta.
“Shqiptarët sot duhet të votojnë kundër kujtdo që kërkon të blejë të ardhmen e tyre. Sot shqiptarët duhet të tregojnë se liria dhe dinjiteti dhe e ardhmja e fëmijëve të tyre, nuk ka çmim. Shqiptarët duhet të ndëshkojnë çdo sekser që tenton të blejë të ardhmen e tyre. Liria dhe dinjiteti i shqiptarit nuk ka çmim”, apeloi Meta.
