Pas Kreu i Shtetit Ilir Meta anuloi zgjedhjet, ka ardhur një reagim nga ana e ish-kryeministrit Sali Berisha.
Përgjatë një interviste për gazetaren Klodiana Lala ai është shprehur se nëse kryeministri Rama nuk vendos që të dorëzohet, atëherë atë e “pret fundi i të gjithë mafiozëve.”
“Rama po vazhdoi e pret fundi i të gjithë mafiozëve, le të vazhdojë po të dojë. Zgjedhjet do të bëhen mbi bazën e dekretit të presidentit”, është shprehur Berisha.
Kujtojmë se aktualisht po mbahet protesta e 8-të kombëtare e opozitës dhe duke qenë se situata u tensionua shumë përballë Parlamentit nga ana e protestuesve, policia u detyrua që të lëshonte gaz lotsjellës dhe t’i shpërndante ato.
