(Daily Mail) Një seancë gjyqësore ka tronditur opinionin publik në Melburn, pasi një mësues akuzohej se kishte përdhunuar rreth 100 herë një nga nxënësit e tij. Timothy Richardson, 82 vjeç, ishte një mësues i besuar dhe i pëlqyer në ‘Shkollën e Lartë Dandenong’, në juglindje të Melburnit, në vitet 1960 dhe 1970.
Por mësuesi në fjalë ishte tjetër njeri me nxënësit e tij, pasi muajin e kaluar ai u shpall fajtor nga denoncimet e ish-studentëve të tij. Ai do të dënohet për abuzim seksual me fëmijë nën moshën 14-vjeç dhe për sulme të pahijshme.
Richardson i detyronte viktimat e tij, ku përfshiheshin dy vëllezër, për të ndarë një krevat me të, ku ai do të përdhunonte, njoftoi Udhëheqësi i Madh i Dandenong. Një nga viktimat e tij i tha gjykatës se ishte takuar me “përbuzjen” dhe ishte përpjekur t’i tregonte një mësuesi tjetër se çfarë kishte ndodhur me të, por i kishin thënë të mos ngrinte akuza të kota .
Nxënësi, tani 67 vjeç, tha se Richardson i kishte dhënë ‘një depresion dhe dënim të trupit të përjetshëm’, që kur ai ishte vetëm 12-vjeç. “Ky grabitqar nuk e mori parasysh moshën time kur më dhunonte 80 deri 100 herë gjatë një periudhe dyvjeçare. Ai donte vetëm të kënaqte kërkesat e tij seksuale”.
Një tjetër viktimë tha se ai fajësoi veten, pasi nuk kishte bërë asgjë për të mbrojtur vëllain e tij nga sulmet e turpshme dhe ‘tronditëse’. Gjykatësi Paul Higham hodhi poshtë pohimin se “karakteri i mirë i Richardsonit” dhe mungesa e historive të mëparshme kriminale duhet të merren parasysh gjatë dënimit. “Duhet të dërgohet mesazhi, që edhe dekada më vonë të dënohet fyerja ndaj fëmijëve”, tha ai.
Richardson u vetëdeklarua jo fajtor për akuzat e ngritura në drejtim të tij në tetor, por brenda dy muajve u zbulua e vërteta. Ai do të dënohet javën e ardhshme. TIRANA TODAY
