Messi i xhindosur në hollin e hotelit: Nga sot e tutje do luaj unë

Për Lionel Mesin nuk ka qenë aspak një natë e qetë, ajo e postndeshjes me Islandën, teksa në hotelin ku akomodohet kombëtarja, e përditshmja “Ole” tregon se kapiteni i Argjentinës ka qëndruar deri në mesnatë, në hollin e hotelit, me një prej miqve të tij, duke biseduar dhe analizuar ndeshjen.Ai është parë shumë i pikëlluar për gabimin nga 11 metrat, por në të njëjtën kohë edhe ka shfryrë për faktin e zhvillimit të lojës. Atij nuk i ka pëlqyer që ndihet aq i vetëm në fushë, duke tentuar të bëjë shumë gjëra vetë, por në të njëjtën kohë, nga divani ku qëndronte i ulur edhe ka shpërthyer: “Nga ndeshja e radhës do luaj unë. Do luaj ashtu siç duhet të kisha bërë gjithmonë”.