Lionel Messi pas largimit të Iniestës ka marrë shiritin e kapitenit te Barcelona. Në një rrëfim për ekskluziv për radio “Catalunya”, ylli argjentinas ka treguar objektivat që ka skuadra këtë sezon dhe ndër to ka veçuar triumfin në Champions League. Po ashtu Messi ka thyer heshtjen dhe ka folur për rivalin e tij të “përjetshëm”, Cristiano Ronaldon, i cili u largua drejt Juventusit në merkaton e verës.
Kapiteni i Barcelonës është shprehur i habitur nga zgjedhja që ka bërë Ronaldo, pasi sipas tij kishte shumë skuadra të tjera që e kërkonin atë. Po ashtu ai ka shtuar se largimi i tij e ka dobësuar Real Madridi dhe në një farë mënyre kjo i shërben Barcelonës që ta ketë më të lehtë rrugën për të triumfuar në La Liga.
“Në qoftë se Real Madrid është një nga klubet më të mirë në botë dhe një ekip shumë i mirë, është e qartë se mungesa e Cristiano Ronaldos i bën ata më pak të fortë, ndërsa kjo e bën Juventusin si skuadër që mund të fitojë Championsin”-tha Messi.
“Vendimi i Cristianos për tu larguar më befasoi, nuk e imagjinoja atë jashtë Madridit, as se do të shkonte te Juventus, ka pasur kaq shumë skuadra që e donin atë. Jam i befasuar, por Juve është një skuadër shumë i mirë”- tha mes tjerash ylli i Barcelonës, që këtë vit objektiv parësor ka vendosur suksesin në Champions League.
