Messi stërvitet tre ditë në vendin e “urryer”, çmenden madrilenët

Ylli i Barcelona-s, Lionel Messi do të kalojë tre dit në ambientin ku është më i “urryer”, në bazën e Los Blancos. Argjentina do të zhvillojë miqësoren me Spanjën dhe drejtuesit kanë vendosur që ekipi Albiceleste të stërvitet në fushën stërvitore të Real Madrid.

Miqësorja e javës së ardhshme do të zhvillohet në Wanda Metropolitano, shtëpia e Atletico Madrid. Këto do të jenë tre ditë të veçanta për Messi, i cili që në moshën 13-vjeçare konsiderohet si armiku i Real.

Ekipi i Argjentinës është grumbulluar aktualisht në Manchester, për tu përgatitur për miqësoren me Italinë, ku Messi dhe Lautaro Martinez janë bashkuar me ekipin një ditë me vonesë. Argjentina do të ndeshet me Italinë përpara ndeshjes ndaj Spanjës të martën tjetër.