FIFA ka publikuar tre kandidatët finalistë për çmimin “Lojtari më i mirë i vitit” dhe është e njëjta garë me atë që pamë pak ditë më parë në të njëjtin çmim që dha edhe UEFA. Cristiano Ronaldo, Muhamed Salah dhe Luka Modric janë tre lojtarët që do të kenë shansit të hipotekojnë këtë çmim personal. Padyshim mungesa e Lionel Messit do të krijojë debat, por ylli argjentinas nuk pati paraqitje të mirë me kombëtaren e tij në Botërorin e Rusisë.
Favorit për këtë çmim padyshim që është kroati Luka Modric, pasi zhvilloi një Botëror fantastik dhe u vlerësua me “Topin e Artë” të atij kompeticioni. Po ashtu arriti deri në finale më Kroacinë e tij duke qenë lojtari kryesor dhe kapiten i ekipit. Edhe Ronaldo ishte mjaft i mirë me Portugalinë, pasi shënoi katër gola, por në grupe. Më me vlerë është ai tregolësh i shënuar përballë Spanjës. Ndërsa egjiptiani, Muhamed Salah është pjesë e tre kandidatëve sepse pas shumë vitesh bëri të mundur kualifikimin e kombëtares së Egjiptit në një Kupë Bote.
Çmime të tjera:
“Portieri më i mirë i vitit”: Hugo Loris (Totenhem Hotspur), Tibo Kurtua (Çelsi/Real Madrid*, Kasper Shmaikel (Leister Siti)
“Trajneri më i mirë i vitit”: Zinedin Zidan (Real Madrid), Didier Deshamps (Franca), Zlatko Daliç (Kroacia)
