Teksa kanë kaluar gjashtë muaj nga vrasja e minoritarit grek Kostandin Kacifas në fshatin Bularat, sot do zhvillohet mesha përkujtimore. Në pikën kuftare të Kakavijës janë ndaluar 5 gazetarë, që ishin nisur drejt meshës së Kostandinos Kacifas.
Në këtë pikë kufitare janë kthyer mbapsht nga policia 9 shtetas grekë, 5 prej të cilëve me arsyen se cënonin sigurinë publike, ndërsa 4 të tjerë për mos plotësim kushtesh për udhëtimin drejt Shqipërisë.
Ceremonia për Kacifasin, 9 grekë ndalohen të hyjnë në Shqipëri
Po kështu mësohet se banorët dhe të afërmit e Kacifas nuk kanë lejuar operatorët që të filmojnë në kishë, gjatë meshës dhe në varreza, duke i larguar. Kostandin Kacifas u vra nga policia gjatë shkëmbimit të zjarrit në fund të tetorit të vitit të kaluar, ndërsa ngjarja shënoi tensione diplomatike mes dy vendeve.
6 muaj më parë, varrimi i Kacifas shkaktoi disa incidente, për shkak të hedhjes së parullave antishqiptare, duke bërë që të shpallen non grata disa shtetas grekë, mes tyre edhe një eurodeputete qipriote. Kostandin Kacifas u vra nga forcat RENEA, pasi qëllonte me armë në drejtim të tyre, dhe nuk iu përgjigj thirrjes për t’u vetëdorëzuar.
