Lukas Torreira ka arritur të fitojë vendin e titullarit pas transferimit nga Sampdoria te klubi i Arsenalit.
Mesfushori 22-vjeçar ka qenë titullar absolut në 4 fitoret e fundit në kampionat. Ai u shndërrua në një lojtar të rëndësishëm për Arsenalin.
Por, i riu së fundmi ka bërë një tatuazh, duke zgjedhur stemën e një ekipi tjetër. Dashuria për Institucion Atletika 18 de Julio ka bërë që mesfushori të tatuazhojë stemën e këtij ekipi në pulpë.
Institucion Atletika 18 de Julio është klubi ku Torreira e nisi karrierën, teksa në vitin 2013 u transferua te Peskara. Ai është mirënjohës ndaj klubit ku nisi hapat e parë të karrierës. Kjo edhe për shkak edhe një historie tepër prekës. Në moshën 14-vjeçare, Torreira mbeti i pastrehë dhe klubi i Atletika e ndihmoi për t’u strehuar.
