Ish-guvernatori i Kalifornisë, Arnold Schwarzenegger, i bëri një thirrje popullit rus në një video të postuar në rrjetet sociale, duke i kërkuar që t’i rezistojnë dezinformatave të vendit të tyre ndërsa pushtimi shkatërrues i Ukrainës vazhdon.
Schwarzenegger tha se ai “po dërgonte këtë mesazh përmes kanaleve të ndryshme” për qytetarët dhe ushtarët rusë, dhe shpresonte se mesazhi i tij për mizoritë e kryera nga qeveria dhe ushtria e saj do të depërtohej. Videoja e postuar në Twitter ka më shumë se 16 milionë shikime.
“Ukraina nuk e filloi këtë luftë. As nacionalistët apo nazistët,” tha ai. “Ata në pushtet në Kremlin e filluan këtë luftë”.
Presidenti rus Vladimir Putin dhe zyrtarë qeveritarë kanë bërë akuza të rreme ndaj Ukrainës, si motivet e tyre për pushtimin, duke thënë pa bazë se vendi duhet të “denazizohet”.
“Ka gjëra që po ndodhin në botë, që po mbahen prej jush, gjëra të tmerrshme për të cilat duhet të dini,” tha Schwarzenegger.
“Unë e di që populli rus nuk është i vetëdijshëm se gjëra të tilla po ndodhin, kështu që unë i bëj thirrje popullit rus dhe ushtarëve rusë në Ukrainë që të kuptojnë propagandën dhe dezinformatat që po ju thonë. Unë ju kërkoj të më ndihmoni të përhap të vërtetën”.
Ai kritikoi ashpër qeverinë ruse për pushtimin, duke thënë se ata “gënjyen jo vetëm qytetarët e saj, por edhe ushtarët e saj” për arsyet e luftës.
Burimi i lajmit: CNN. Përshtatur nga Tirana Today
